村屋玻璃驚現28粒「白珍珠」　港女苦笑中招　街坊笑言︰馬灣名物

本港新界區的居民每逢春夏季到來，就會發現14粒青提形狀「名物」，真身其實是俗稱「臭屁蟲」的荔枝椿象的蟲卵。最近港女在網上表示，發現馬灣村屋露台玻璃上有28粒「白色珍珠」，苦笑形容「終於到我中獎」，有街坊表示是黃斑椿象的蟲卵，同樣都是「臭屁蟲」，「（蟲卵）有小三角即係已經出來了」，提醒港女可以直接剷走。

樓主在facebook群組「珀麗灣快樂群組」上載1張照片，圖中可見，玻璃有28粒「珍珠」，並有細小三角形。樓主用文字補充，在馬灣村屋露台發現，笑言「終於到我中獎，28粒」。

多名街坊回應指「樓下見到佢，樓主張相啲卵就係呢個品種黃斑椿象」、「馬灣名物28粒」、「呢個三角形係佢哋用嚟破蛋嘅工具，你睇吓啲蛋已經開咗頂，佢哋已經出咗世」、「可以剷走」，同時上載黃斑椿象照片。

根據資料，白色卵鞘上的黑色三角物體其實是黃斑椿象若蟲自備的孵化破卵器，若破卵器打開卵蓋，黃斑椿象就能成功孵化，並將破卵器遺留在卵蓋旁邊或放入卵殼內，黃斑椿象對人類無害，但受到干擾時，都會散發出臭味，和荔枝椿象一樣。

（綜合）