連續2次接客由機場返東涌　的士司機嫌近︰行路啦　網民轟態度差

不少的士司機希望接到長途單，賺取更多車資，有時遇到短途客人，只能自嘆倒霉。但有的士司機在網上批評，在機場等客，連續兩支短旗，同樣前往東涌，雖然接載對方，但事後爆粗狠批「住東涌學乜X嘢人坐的士呀，行路返去啦」，網民紛紛回應指「叫人行返屋企……佢返屋企啦咁，揸乜的士喎」、「唔怪得無人搭的士」。

有的士司機在facebook群組「的士司機資訊網 Taxi」表示，自己凌晨在機場駕駛的士，一晚遇到兩次短途客人返回東涌，爆粗批評東涌居民不應該在機場乘搭的士，斥責是阻住做生意，理應「行路返去啦」。

相關帖文事後不知所終，但被網民截圖上載至facebook群組「小心駕駛(討論別人駕駛態度)」，其他人紛紛回應指不少的士司機因種種理由而拒載，他們「（先）係老闆，有權唔做你生意」、「召喚的士判官」。

（綜合）