日航JAL推「走飛機餐」服務！為減輕打擾乘客　網民：咁都叫服務?

一名網民於連登討論區發文表示，收到JAL日本航空的電郵，向他推廣「走飛機餐」的服務，令他大感新奇！帖文引起大量網民討論，有網民認為無需派餐談不上「服務」，亦有網民表示，JAL此服務並非讓大家「度縮」，意見兩極！

日航JAL推「走飛機餐」服務！為減輕打擾乘客　網民：咁都叫服務?

好食玩飛Instagram官方帳號開咗喇！請Follow我哋：https://bit.ly/38tlS4l

日航JAL推「走飛機餐」！唔要飛機餐會點樣補償？

日本航空 Japan Airlines（下稱JAL）是日本國家航空公司之一，不少超愛到日本旅遊的朋友都會選用JAL的航班。近日，有一位網民在連登討論區以「今日收到JAL email話推廣『走飛機餐』服務,」為題發文，指JAL聯絡自己，並推薦他選用新推出的「走飛機餐」服務。

該名網民將JAL的日英雙語電郵貼上，指JAL表示推廣「走飛機餐」服務，是為了減少食物的浪費，以及減少在派餐時對乘客做成的打擾，但該名網民就以「美其名」形容JAL的說法，大有不以為然之意！

記者翻查JAL的官網發現，「走飛機餐」服務是JAL新推出的服務，如希望「走飛機餐」，需要自行於飛機起飛前25小時，到JAL官網選擇此服務，JAL會將該份飛機餐的費用，全數捐贈於慈善機構，以資助發展中國家學童的饍食費用。而選擇「走飛機餐」服務的乘客，則會獲得「過夜包」1份，裝備包括舒緩修護面膜、眼膜、耳塞及牙刷套裝。

網民：唔駛派餐都叫服務？有冇得退錢先？

帖文公開後引起不少網民加入討論。有不少網民認為「走飛機餐」應配上退款服務，指「（我）俾咗錢」、「如果走餐可以退返錢會合理啲」、「應該要有得打包（飛機餐）」等，有網民直斥「唔派餐都可以係一種『服務』」，更有網民「抽水」笑指「推廣埋走數啦，減少浪費金錢」、「有人走餐，咁可唔可以食多份」等，相當風趣。

另一邊廂，部份網民認為JAL的方案非強制性，供乘客自由選擇，並無退款的必要性，表示「個服務唔係俾你哋度縮㗎，係俾啲人真係唔想食可以環保啲順便做個小善事」；亦有部份網民直言「短途機啲飛機餐真係好無謂」、「晚機一上機就訓唔想食」、「唔食無損失，唔駛整醒我仲好」等，意見多樣。

大家又會選用JAL的「走飛機餐」服務嗎？