移英港人晴天擔遮被責罵 笑稱想買機票返香港 網民指旅行都要注意

【旅行文化】最近有不少港人移民英國，生活有變化之餘，巨大的文化差異，亦是移英港人們必須跨越的一大鴻溝。有移英港人最近在網上表示，在晴天擔遮遮擋陽光，卻被當地少女咆哮指責，就此笑稱「嚇到我即刻想買機票返香港」。網民留言稱，其實不止移民，去旅行必須留意這些文化差異。

移英港人晴天擔遮被責罵 笑稱想買機票返香港 網民指旅行都要注意

在facebook開設專頁「診所低能奇觀」的網民珍寶豬，正式移民英國不久，便在私人專頁中分享一宗趣事：「今日36度加勁曬，我擔住把UV遮行去附近超級市場買少少嘢，突然有位好似係少女嘅外國人喺車度向我咆哮：『it’s not raining』哎呀，嚇到我即刻想買機票返香港」。

珍寶豬在貼文中加上「#移英港人慘遭咆哮」、「#至奇」等標籤，實則當作笑話一宗分享，亦引起不少網民討論。網民笑指：「Hahaha 我會反擊！none of your business!!!!!（不關你的事）」、「佢熱到儍咗啫，唔使理佢」、「英國少女多雀斑，道理就係咁簡單」、「呢個世界硬有啲人鐘意對他人指手劃腳，若果話你把遮整到佢就話啫，呢啲無謂人周圍都係。」

亦有網民指要入鄉隨俗：「佢地係唔理解怕曬呢樣嘢，佢地恨不得曬到自己燶燶哋。佢以為你以為落緊雨。你可以答佢『I don't wanna be burned, but thanks（我不想曬傷，謝謝）』，咁就得」，亦提醒其他網民：「真係去旅行都要注意下」。