城門水塘成違泊黑點　連派71張牛肉乾　網民嘲：去行山點解要揸車

【城門水塘行山路線】城門水塘成為違例泊車熱點！警方最近嚴打違例泊車，在一個週末內於城門水塘發出共71張「牛肉乾」， 可見違例泊車的問題十分嚴重。有網民指其實城門水塘交通方便，反指「其實去行山點解要揸車？」

延伸閱讀：城門水塘出現白千層天空之鏡！行山限時美景　新手必去6大打卡位延伸閱讀：城門水塘行山｜新景點享逸台睇到小千島湖！遠眺水浸白千層

城門水塘成違泊黑點　連派71張牛肉乾　網民嘲：去行山點解要揸車

警方一連發出71張牛肉乾

行山郊遊好去處荃灣城門水塘，因城門水塘行山路線容易行，新手3小時能輕鬆行完而備受香港人歡迎，其中享逸台、白千層林道及城門水塘主壩都是城門水塘必去打卡位之一。與其熱門程度相呼應，城門水塘的違例泊車問題亦同樣嚴重，最近警方打擊違例泊車，在一個週末內在城門水塘一帶一共發出71張定額罰款通知書，每張「牛肉乾」至少罰款$320。

網民反問：去行山點解要揸車？

警方一連發出超過70張牛肉乾，引起網民熱烈討論。有網民指不少車輛都是行山人士駛入城門水塘，在附近泊車後直接起步，同時質疑城門水塘交通方便，在荃灣乘坐一程小巴就能到達起點，反問為何不乘搭公共交通工具：「其實淨行山，點解要揸車？」、「郊遊定係車遊？」。有網民則指：「警方由下面派牛肉乾派到去小巴站已經都夠數！」、「有錢人揸車去郊遊玩，幾百蚊就可泊成日車，抵到爛！」

城門水塘違泊屢見不怪

有網民分享遭遇：「上周日有架平治私家車泊喺茶水亭對出閘桿前面，路面只夠私家車過。我忍唔住大聲同車主講，佢泊完收窄咗條路，要救援時消防唔夠位入。佢駛走咗後幾分鐘，警察到場抄牌。」

網民指違泊源於泊車位不足：想問啲死車清咗未？

亦有網民指，同樣為熱門行山路線的大帽山和流水響，亦是違例泊車黑點：「每到周日上大帽山條路多車到呢！」、「行山嘅地方根本唔應該比咁多車入。」

不過亦有人將違例泊車問題歸咎於郊野地區泊車位不足，而且錶位通常都有「死車」（壞車或棄置車輛）長期霸佔，建議政府應從根源解決問題：「想問啲死車清咗未？」