港女上網轉售酒店房被質疑「搵食」　網民留言：有冇咁緊火啊？

酒店Staycation雖然已經變成港人日常，但萬一不小心預訂錯房，相信還是會相當頭痛。因此，有不少港人都會私下於網上轉售酒店房，為求不蝕打個和。然而，有對情侶最近於社交媒體轉售酒店房時卻搞出大頭佛，離奇描述嚇怕網民，一句「本人已在悅品房」讓不少網民以為有另類暗示，感嘆原來「宜家興咁搵食」！

港女上網轉售酒店房被質疑「搵食」　網民留言：有冇咁緊火啊？

有港人情侶近日於Facebook群組「香港買賣區」上發帖，指自己「同男朋友各訂一間今晚，一間屯門悅品，一間貝爾特」。由於已透過信用卡付款，不能退款，因此急忙上網轉手一晚酒店住宿，而且語句略帶混亂，似乎情況實在相當緊急。

事主在貼文中開首一個「急」字，最後又一句「快覆」，實在連隔了一層熒光幕都能感受到她的焦慮。但網民將焦點卻不在此，而是在一句「本人已在悅品房」，令一眾網民想入非非，甚至直接留言回應「有冇咁緊火啊！」、「$200包埋佢本人」，感嘆「宜家興咁搵食」！

原來「宜家興咁搵食」？有網民甚至笑稱「悅品左手邊，貝爾特右手邊」、「Get錯咗樓主有兩個男朋友」，又「教導」事主「小朋友先選擇」，應該一晚住兩間——全都要。