【日本．零食】最新Häagen-Dazs蜜柑雪糕pokka sapporo消暑凍湯

日本零食是經常要 update 的潮流，當中最令人密切留意的一定有Häagen-Dazs期間限定雪糕，原來日本當地最新主角就係 so refreshing 嘅蜜柑雪糕，酸酸甜甜伴隨少少苦澀嘅橙皮香，兼帶有香滑牛奶濃香。除了食雪糕降溫，唔想太甜的話可以選擇另類解暑飲品：又咸又凍嘅「凍湯」！以往在便利店/超市可以買到的pokka sapporo熱辣辣即飲栗米湯、紅豆湯，來到夏天就推出三款消暑凍湯，打開罐即飲，好鬼方便呀。

消暑零食一定要夠refreshing，依款蜜柑雪糕除了用啖啖果肉製作，味道好清新酸甜，最重要明白橘柑類水果的要訣：果皮！見到雪糕面層真係鋪上幾絲果皮，咬落有少少苦澀，但伴隨清新果香及濃郁牛奶，立即中和了那份厚重感，有類似中國人落陳皮蒸魚/煲湯嘅效果(笑)。每客雪糕都係JPY287，約$20，真係抵食過香港嘅Häagen-Dazs好多呀！

睇埋下圖，真係見到果皮咖：

pokka sapporo 三款新口味消暑凍湯

經常在便利店暖櫃見到的pokka sapporo即飲罐裝粟米湯，冬天拎著佢暖笠笠成個人warm晒。來到夏天熱辣辣當然要冷1冷、冷！所以推出了3款新口味凍湯，讓即飲湯fans解解暑，包括粟子南瓜湯、北海道薯仔湯及北海道忌廉栗米湯，望落食材成份簡單，但夏天胃口差反而食材越清越開胃吧。小記就試飲了其中兩款，覺得粟子南瓜湯尚算香濃，反而薯仔湯香料落多了，掩蓋了薯仔本身的淡淡肉香，夏天都係食得清淡啲好。