【日本環球影城】搜羅 USJ 今夏至新必買精品

撰文：陳詩雅
出版：更新：

夏天又到，日本環球影城有最新消暑活動，包括「環球奇觀晚間巡遊~Best Of Hollywood~」、「One Piece Premier Summer」、「Minions 急凍鐳射滑冰車」及「新世紀福音戰士 XR 飛車」！但入到 USJ 除了玩，當然係忍唔到手購買最新精品，好似小記咁，入到場立即失手，因為裡面精品真係好靚好靚好靚囉！
攝影：龔嘉盛

必買Minions夏日消暑至cool精品

配合今個夏天Minion Park推出最新消暑活動「急凍鐳射滑冰車」，乘客可以在總共10台製冰車上體驗「巨大冷凍槍」噴冰效果。至於配合夏天主題，Minions都有好多玩水新貨品推出，fans不容錯過！

 

可以拖著行的 Minions，用佢同小朋友或寵物玩一定相當開心。JPY1,800（約$129）
扮Minion一流的防水雨衣。JPY2,500（約$179）
防水手機套，玩水槍、落水都唔怕整壞手機。JPY2,800(約$200）
Minions嘖水風扇，風扇吹出風力可以將噴出水份平均噴射，夏天帶出街散熱一流！JPY2,000（約$144）
Minion背包水壺連水槍，參加 USJ 夏日祭典時必備武器！JPY2,500（約$179）

期間限定Minions爆谷桶

入得環球影城，都必定會見到好多人身旁掛著Minions爆谷桶，2017年Minion Park開幕時推出Bob國王爆谷桶已刮起瘋搶熱潮，今夏推出三款最新爆谷桶，其中一款仲係配合Night Parade而設計嘅閃燈眼鏡Bob爆谷桶，可以掛着佢睇巡遊，閃爆全場。

 

樂園內有兩處Minions爆谷桶售賣車仔，會分別賣唔同款嘅爆谷桶，想集齊幾款爆谷桶要行多幾處地方。
Kevin 爆谷桶。JPY3,200（約$229）。
King Bob (左) JPY3,200（約$229）；Party Minion JPY3,480（約$249）。
Party Minion副星星閃燈眼鏡「笨」唔係浪得虛名，因為可以在睇夜間巡遊時帶上，你一定閃爆全場。
Minions毛毛頭飾。JPY2,500（約$179）
樂園內餐廳仲有至cute嘅Minions小食及套餐，賣相吸引唔點唔得！
Baked Cheese Curry Meal 套餐包括得意 Minions 布丁配香芒汁，見到胃口大開。¥1790 （約 128 港元）
Minion Puff忌廉是甜美香蕉味，好Minion feel。JPY580（約$38）
Minion Park 少不了老少咸宜的攤位遊戲，玩擲香蕉中獎可獲Minion大公仔一隻。

急凍鐳射滑冰車

日期：2018年6月30日起

地點：迷你兵團樂園

 

開放期延長決定！

無論是少女還是中女都喜愛嘅「美少女戰士Sailor Moon: The Miracle 4-D」劇場，本身在Cool Japan慶典中限於6月24日完結，但因為太受歡迎的關係，樂園決定將場館延長至9月30日結束，各位美少女fans又有多3個月可以欣賞4D劇場同戰士們作親密接觸了！

雖然早在3月份已推出美少女戰士限定精品，但Update返最新精品就有少女selfie大愛的「環球新月權杖」自拍神棍，另一款亦是小記最喜歡的「環球甜心神杖」，咪睇佢只係一枝神杖以為是普通玩具，只要手持這枝神杖觀賞4D劇場，在惡魔出現時神杖會自動感應而閃燈，只要揮一揮杖就幫助你與月野兔儆惡懲奸！相信對於小朋友 ( 甚至大朋友 ) 來說是相當亙動好玩。

 

 

 

只在「美少女戰士 Sailor Moon: The Miracle 4-D」劇場門外的車仔檔買到的「蝴蝶結爆谷桶」，JPY3,200（約$229），好漂亮！
露娜毛毛小袋子，JPY1,800（約$129）
美少女蝴蝶結 Tee。JPY3,600（約$258）
蝴蝶結頭箍（最上）JPY2,300（約$165港元）、水手服蝴蝶結 pouch（中間）JPY2,500（約$178）、水手服襪子（最下 ) JPY950（約$68）
水手服蝴蝶結pouch（左）JPY2,500（約$178）、蝴蝶結髮夾（右）JPY1,900（約$136）
「環球甜心神杖」不只是一枝神杖玩具，當你睇 4D 劇場月野兔與惡魔對戰時，手杖會自動發光。JPY2,900（約$208）
「環球新月權杖」自拍神棍。 JPY5,500（約$394）
同場加映，柯南發聲bow-tie，會copy你所講嘅說話。JPY2,900（約$208）

Universal Studios Japan 日本環球影城

地址：大阪府大阪市此花區櫻島2-1-33

時間：9am - 8:30pm（特別日子開放時間需另上官網查詢）

票價：一日券：12歲或以上成人JPY7,900（約$565）、4 - 11歲小童JPY5,400（約$386），65歲或以上長者JPY7,100（約$507）

交通：JR環球影城站即達

網頁：www.usj.co.jp

另外，如果想同時暢遊關西及日本環球影城，可以購買套票優惠，查詢：KKday

USJ環球影城自由行　EVA過山車初號機爆谷桶復活．美少女戰士延長【日本環球影城】最新 Night Parade 速龍暴走超真實體驗