電訊盈科Now E新服務　唔使簽約睇世界盃煲劇多個抵玩方法

【Now E 手機睇世界盃】 Now E 是電訊盈科的最新服務，可說是NowTV的OTT串流版本。Now E除了會提供部分Now TV的劇集及電影等內容之外，更加可以讓用戶收看即將舉行的2018 FIFA俄羅斯世界盃！唔使簽約就可以利用手機、平板或者Now E專用的Google TV盒子收看世界盃，而且隨時不用另外加錢，咁優惠？

Now E本身就好像一個Android TV盒子版的Now TV，除了接駁電視播放之外，亦可以在任何手機、平板上播放。最詭異之處，是大家毋須使用HKT或者網上行的網絡，任何手機網絡或者寬頻服務一樣可以串流Now E。Now E將會在世界盃期間，推出$980的全部64直播加賽事重溫的世界盃通行證，或者$98的24小時收看直播賽事及重溫的一日通行證。由於每隊球隊差不多都有一場免費分組賽事直播，而2場4強及決賽亦屬免費的關係，假使愛隊幸運殺入決賽，大家亦不過只需購買2場分組賽加16強及8強總共4場賽事，$392就可以完滿你跟愛隊的2018俄羅斯之旅。

Now E發布會重點（按圖放大）

至於Now E服務每月月費$98（原價$136），不過新登場客戶可以1個月免費試睇，而且服務本身毋須簽約，所以睇完頭一個月絕對可以無痛cut服務。不過大家亦都毋須cut得太急，Now E的$98月費，除了包括Viu及ViuTV之外，更包括原本屬Now TV，有不少劇集及綜藝節目的《爆谷》台、電影頻道《Movie Movie Play》，另外更加有正在播放神劇《West World》第2季的HBO Go。另外在7月開始，Now E更會提供最新電影的點播服務《影視點播站》，相信會成為iTunes及Google Play之外，大家租看電影的另一個新選擇。

The Club搶Now E世界盃即日通身證詳情（按圖放大）

另外，剛才提到的世界盃一日通行證，大家不一定要付錢才可以開啟。同屬HKT集團旗下的The Club將會由5月24日送出1,000,000張「世界盃一日通行證」，新登記成為The Club員可以得到1張、於The Club獎賞目錄成功兌換指定獎賞可以有2張、.於The Club獎賞目錄成功兌換指定獎賞可以有2張、現有Club SIM用戶額外選購任何服務組合又有2張、成功登記Travel Club SIM用戶亦可以有2張，若果搶優惠夠快手，隨時可以免費睇晒2018世界盃。Now E將會在5月下旬於Google Play及App Store正式上架，包括Android TV盒子在內，每個帳戶可以登入5個不同裝置及同時於2台裝置上串流。