Dyson V10貓奴家居實測！實用優與缺點評
Dyson V10貓奴實測：貓奴每日都非常頭痛，如何清理主子散落家居每一吋地方的毛髮，因此一部好的吸塵機十分重要。標榜吸力強勁的英國Dyson最近推出V10吸塵機，聲稱比前代吸力更強、更輕巧，因此我們就將新機借予一友貓奴（主子名稱Zatou）用足一星期，看看新機是否真的實用。
Dyson V10貓奴啱用嗎？
Zatou一般常見的家貓一樣，在家中活潑非常，而且見到陌生人時更顯得特別好動，因此客廳、梳化、電視櫃、飯桌、睡房等等，都會留下不少主子的細毛，貓奴馮太每日都要花不少時間吸塵清理。「每日返工放工都會花時間去清理，之前用嘅手提吸塵機雖然方便，但係咁來回吸都吸唔起貓毛，好麻煩。」因此馮太一早已經想搵更好的吸塵機。早前馮太已經購入了另一支拖把式吸塵機，此吸塵機設計更可以一邊吸一邊拖地，馮太心想可以一次過吸塵及拖地一舉兩得，怎料吸力都算勉強夠，但有時會會積塵在拖把頭上，「吸完一熄機就『嘔』返啲塵出來，又要我做多重功夫，而家已經將佢封印埋一邊，好少用。」今次馮太試用的是Dyson的V10俾馮太試用一星期，睇睇新機是否適合貓奴去用？
試用足一個星期，馮太幾乎每日都會用Dyson V10為家居吸塵，幫Zatou清理於家中留下難以處理的貓毛。馮太第一句的評價：「真係同網上評價一樣，吸力真係好勁喎。」今代V10內建Dyson V10數碼摩打轉速高達每分鐘125,000轉，吸力比一般傳統吸塵機每分鐘41,000轉更快，吸力更強。而且氣旋與集塵區轉向90度，維持順暢氣流路徑，吸力增強至151AW，較上代V8強勁20%。
「以往最麻煩是要吸地毯及梳化面，貓毛吸附在絨毛面，以往無論如何吸都吸不到，一般都需要除塵紙先清理到。而家用V10一碌，就可以吸晒痴到實一實的貓毛。」吸力出色，馮太亦非常讚嘆電量夠多，「成個星期日日吸塵，但幾日先充一次電，都幾襟用！」舊式Dyson或一般手提吸塵機只有大約半小時的電量，但今代V10可運作長達一小時，一般4-500呎的家居夠吸幾日。
吸力強，又夠長氣，但Zatou又點睇呢部新「玩具」呢？「剛剛第一日用時，摩打聲比一般吸塵機大，所以Zatou都被嚇一跳，唔敢走過來。」不過用了幾日，Zatou似乎已經習慣了這些聲音，吸塵時更會走埋來「監督」，等馮太不可偷懶。另外，Dyson V10塵桶倒塵設計都算幾方便，「塵桶容量都夠大，而且一按一推就可以即倒落垃圾桶內，每次清理都好就手。」
不過就算新機吸力再好，馮太都覺得新機仍一些缺點，「我未試過舊Dyson吸塵機，之前用開好輕身的充電吸塵機，覺得V10機身都有啲重，要舉起吸時有點吃力，要啲時間去習慣。」另外，價錢稍貴亦都是馮太考慮購買與否的重點之一，「雖然呢一代比上代V8平咗啲，但都要近五千蚊。（編按：如果要齊吸頭的V10 Absolute $6,480）」但看到主子Zatou似乎對此新玩具並不抗拒，加上吸力強又耐用，馮太覺得新機對於貓奴來講非常好用，值得考慮購買。
機身及功能更多細節（按下圖放大）