立法會復會「食神」即駕到？　秘制叉燒、燒豬加餸｜政壇諸事町

踏入新一年，立法會復會，即刻有「食神」駕到！議員有燒豬、自家製叉燒加餸，大家都食到停唔到口。

盧偉國秘制叉燒　選用本地黑毛豬

至於為何「食神」要選今日現身？原來有兩個原因，被稱為「議會廚神」的經民聯盧偉國是為了「還債」。因為他個多月前，曾特別焗製「盧家肥燶瘦蜜味叉燒」為同事加餸，部分同事因遲來一步，錯過了他的私房叉燒。

因此，為了讓最多同僚大快朵頤，盧偉國選用本港豬農培殖嘅優質黑毛豬做食材，燒咗十幾斤叉燒，話本地黑毛豬做叉燒真係好啱，配合家傳醃製配方，加上他對烤焗時間和溫度、如何利用麥芽糖都累積了經驗，他自己都忍不住話：「真係幾好味㗎！」

而身兼行會召集人的新民黨葉劉淑儀話，由於缺席上周五（6日）賀十二位議員同事當選人大的晚宴，加上歡迎四位新科立法會議員，所以她特地送出一隻燒豬，為同事午餐「加餸」。