施政報告｜田北辰批無交代0+0　李家超：你考慮少　我要顧全社會

昨日發表的《施政報告》未有提及具體通關時間表，一直提倡盡早實施「0+0」入境檢疫的實政圓桌立法會議員田北辰，今日（20日）在施政報告答問會上，直言對通關部分感到失望，批評政府未有交代「0+0」及對外復常路線圖。

特首李家超回應指，自己與田北辰目標一致，同樣希望吸引遊客來港，但分別在於田北辰考慮的因素較少，而他要考慮整體社會狀況，不希望抗疫路反反覆覆。他強調香港抗疫方向不會改變，政府重視政策延續性及一致性，在意給予社會最大經濟活動空間，否則不會實行「0+3」。

田北辰指「0+0」不是躺平，機場入境人士依然要進行核酸檢測，市民入食肆亦須打齊疫苗，而根據醫管局數據，「0+3」實施當日危殆及嚴重的新冠個案有84宗，而昨日（19日）已降至51宗，總住院人數由2,000降至約1,800人，又稱現行「0+3」檢疫政策根本無法吸引遊客。

由0+3到0+0其實一樣都唔係躺平，因為依然落機要驗測，出街要戴口罩，入食肆要打齊針…數字顯示我哋𠵱家醫療系統無問題，有啲專家甚至同我講(總住院人數)3,000都冇問題。特首你諗下，啲遊客點會嚟呢，嗰三日（酒店隔離）？

李否認無路線：但我唔可以𠵱家話你聽

李家超稱，明白通關問題備受關注，但他要考慮社會整個情況，並強調本港抗疫路線清晰：「你話無路線係不正確，我絕對有路線，我唯一係，我唔可以依家話你聽，我下一個月會做乜，下一個月會做乜。」他引述國家衞健委新冠疫情應對工作領導小組專家組組長梁萬年指，以現今科學，沒有人可以「畀到一個時間」。

他說自己最在意的是社會的經濟活動空間，否則不會取消航空熔斷機制及推行「0+3」 等，他指會為在港舉行的大型活動提供針對性方案。

你同我唔同嘅地方，你考慮嘅因素，係比我考慮嘅較為少，我考慮嘅係香港整體。好多不同專業人士講嘅嘢，喺自己專業所講嘅嘢我係非常尊重，但佢有時提出論點根本唔係佢嘅專業，講第二個領域嘅，嗰啲當然我都會聽，正如田議員所講，我一定聽。我哋嘅用心都係良苦，但希望你明白政府制訂政策，往往係要闊啲嘅。