監獄現選委會選舉海報　吳文遠：監獄內邊個有票？｜政壇諸事町

選委會分組界別選舉本周日（19日）舉行，因前年「10.1」遊行案被判入獄的社民連吳文遠稱，在喜靈洲懲教所飯堂發現一張宣傳選委會選舉的超大海報，笑言：「左望右望，究竟香港監獄內有邊個可以有票選選委呢？」

稱想參選特首：「係咪問福利官攞表格報名？」

吳文遠透過團隊成員在Facebook發文，稱日前上庭應訊返回喜靈洲懲教所，發現一張宣傳選委會選舉的超大海報張貼在飯堂之上，「話說小弟上完庭返去喜靈洲，喺飯堂覺得好似有啲唔妥，原來牆上貼咗張超大海報，提醒囚友選委會選舉喇，記得投票呀！」

吳文遠笑言：「左望右望，究竟香港監獄內有邊個可以有票選選委呢？」他「稱讚」懲教署「盡職」，「我都要讚讚懲教署盡職，貼張大海報，間接提醒大家『#票你有冇呀』。」他又戲稱自己想參選特首，「係咪問福利官攞表格報名？」