珍惜群組請願要黃偉綸道歉下台：香港警隊係全亞洲最優秀嘅！

發展局局長黃偉綸日前出席書展活動時，藉日本推理小說作家東野圭吾的著作《第十年的情人節》，指社會問題可以很複雜：「罪犯或有其犯罪原因，警察未必個個係好人。」言論觸動警界神經，警察員佐級協會更批評黃比喻不當，是「大大傷害警務人員的信心。」
親建制團體「珍惜群組」今日（27日）發起請願，要求黃偉綸就有關言論道歉下台，珍惜群組又聲稱，香港警隊是全亞洲最優秀，而黃偉綸的言論是對香港警隊的打壓，促請當局應盡快就辱警罪立法。

珍惜群組一行13人傍晚從金鐘海富中心集合，遊行至一條馬路之隔的政府總部，向發展局及保安局請願，要求保障警隊尊嚴。

珍惜群組召集人李璧而稱，「你作為局長，係書展入面講埋啲咁嘅嘢，完全係唔經腦囉。」她又指，「我真係質疑啊黃局長個質素囉，佢究竟適唔適宜係個部門入面做首長呢。」她指，「警察未必個個係好人」的說法，是比喻不當，「你做乜拎警察嚟做比喻啫，佢個比喻好荒謬囉。」

她又稱，「黃生睇嗰本書係日本嘅，你日本警察咁多負面嘢，就唔好屈落香港警察度啦，你就唔講地區，你令人誤解嘛，香港警隊係全亞洲最優秀，係人都知㗎啦。」她指，殖民地時代報刊書籍「出街」有嚴格審查，但回歸後則放寬，「嗰啲書展呢，真係唔應該出街囉，咁多小朋友睇到嗰啲書，政府審核嘅部門做緊啲乜呢，嗰啲審核嘅部門真係冇個好人囉。」

至於有網民認為黃偉綸言論恰當，正好反映近年警隊有不少警察犯法，她就指，「嗰啲小小嘅枯枝，邊個部門冇啊你話我聽，我哋曾特首都坐過監啦。」