Gareth. T （湯令山）早前在IG表示已包場小薯茄呀冰主演嘅《一人婚禮》，並同時準備「國際孤獨睇戲座位表」。昨日（14日）白色情人節，雖然包場主角Gareth人在澳洲準備Sonica Music Festival 演出，但佢預先將MV造型人型紙牌放置喺戲院內，話係陪大家睇《一人婚禮》、白色情人節亦「不怕寂寞」。

完場後，Gareth 以影片形式跟大家問好，笑言大家都是單人來渡過白色情人節，可以借是此機會認識身邊的人。而小薯茄呀冰同 Gareth 女友Moon齊齊驚喜現身 ， 叫有觀眾準備將Gareth人型紙牌帶走，Moon都十分驚訝：「嘩，你地咁興奮，真係想拎走？」接著，呀冰說:「我見到出面有垃圾桶，唔知大家啱唔啱用。」其後Moon為有意拿走Gareth人型紙牌的觀眾簽名留念，更即場簽上Gareth簽名，之後笑言自己成日冒簽。