【港音監聽室】「死港女」嘅迷陣：評 G T B 《大香港精神》
話說由 Serena 和 Ruby 組成的二人女子組合 G T B 的首張專輯《大香港精神》於 iTunes 作優先發布，本人二話不說就衝上 Apple Music 作深入聆聽。
聽完第一次後，我對專輯的印象如下：
「譁，咁 X 多粗口嘅？」
的而且確，在 Apple Music 的專輯上，顯示出專輯裏總共十首歌曲，其中有八首均標籤為 「Explicit」 。喺我嘅印象裏，除了 YoungQueenz 張《 Dragontown 》系首首都 「Explicit」 之外，分分鐘 LMF 都無咁多粗口，如果加埋 Serrini 個人出品而又有 「Explicit」 標籤嘅歌，呀 Serrini 分分鐘可以話系香港最多粗口歌之女歌手！
當然，要睇一張專輯好唔好，又點會淨系睇啲歌有幾多粗口？雖然專輯未必合適全港莘莘學子收聽（此專輯將於九月一日開學日在全港數碼平台發布），粗口其實都只不過係一種修辭手法，只不過當今香港淫審當道，實體專輯分分鐘會被包膠。不過鑑於今次專輯嘅內容也比較「大人」，絕非「 Family friendly 」之作。也許我們要問：
點解香港咁少成人向嘅音樂？怕教壞細路？
相信假如大家有聽開 Serrini 嘅，都會知道有啲歌好似〈油尖旺金毛玲〉咁，系一個虛構人物嘅故事，而佢嘅舊作則有好多系講佢自己嘅嘢，包括佢嘅感情世界。今次我反而有少少「聽」唔透，Serrini 突然走「偽ABC港女文青 sista bad bitch」路線，然則佢一早就唔系走主流路線，而的確呢一種由社交網路結合網路論壇而成嘅厭女文化成為好多香港年輕人茶餘飯後嘅話題，相信而家系香港精英大學讀緊 PhD 嘅 Serrini 黎講，一定見怪不怪，都相信佢系想代入呢啲角度，去 subvert 翻個文化本身。
倒繫有啲位如果拿捏得唔好會比人覺得太 chok，例如喺〈 From Godric to Beyoncé God 給女生的三點建議〉裏面，Godric 嘅獨白聽落其實有少少 dreadful，你話系 humour 但又去唔倒個位，你話系 mean 但又唔夠 mean，你話系 advice？都算系嘅，但又好有種講完等如無講嘅感覺，又或者，其實會唔會系此曲嘅原意？整體而言，《大香港精神》似乎想表達一個由「死港女」角度出發，關於佢哋想統治香港同世界嘅一個理想，可以話系活在平行世界裏最為奸險嘅 Serrini，裏面有好多歌詞啜核抵死，充分展現 Serrini 如何運用「死港女文體」去講故仔，但都因為系一個「死港女」嘅世界，喺酒色財氣嘅迷陣裏，我睇唔到有出路。
＿＿＿＿＿＿＿＿＿＿＿＿＿
港音監聽室 ｜ 不要為音樂憤怒，聽太多音樂對耳朵會構成負擔，我們總要寧靜時。作者：耳聾 ｜ 看破了對音樂的執著，旁觀香港音樂的大小事。
相關文章：
如果你是13-24歲全日制學生，平日會睇騷、會影相、好寫作或拍ig story分享比朋友，參加《手足計劃》，做齊功課，便有機會被扭耳仔編輯團隊挑選出來，拎免費門票兼一齊入Clockenflap後台，訪問各知名樂隊！