《大時代》邵仲衡狠別炒股15年 輸60萬換終極頓悟：人要知幾時停
股票市場流傳一個說法，就是95%人輸錢，只有5%人贏錢。近月，港股頻頻打無定向風，在31000點上下浮沉「唔上唔落」，折騰了不少散戶，如果輸錢，可以怎辦？在神劇《大時代》中飾演丁孝蟹﹙孝哥﹚的演員邵仲衡，也曾經苦陷於這個問題之中，更對「看錯市」感到難以釋懷，「係人都唔想認自己眼光錯㗎嘛，咁咪瀨嘢囉！」苦惱、掙扎、思疑、接受、放手，他用了7年的時間嚐到了五味紛陳，終於15年前﹙2003年﹚抽身而去，炒股生涯以損手近60萬元結束。孝哥至今未有沾手股票，皆因老早看清了股市的殘酷現實，發現散戶難免輸錢的背後原因。
愈執著 泥足愈深陷
邵仲衡回首一望，初入股市差不多是20年前的事，那時候大約在1997年，已離開無綫的他，正在九龍灣經營越野車改裝的生意，其中有客人熱衷炒股票，向他推介「冧把」兼幫手買賣，果然替他贏得甜頭，「買到咁上下就來料，自己開埋戶口炒，篤手指咁買。」
其實，港股在1997年也經歷過「大時代」，身處那個時空的邵仲衡正如癡如醉地炒股，時興紅籌股概念，他便在5元多便開始買入國壽（2628），「炒到十幾蚊賣咗佢，以為自己好醒，但佢後來升到幾十蚊。」加上其他炒作手風順，令他興奮不已，「贏得好開心，乜都唔記得，扮專家周圍同人講心得。」他信心爆棚，轉玩「即日鮮」和窩輪來賭短線，之後科網股熱潮興起，便嘗試在電盈（0008）和TOM.COM（2383，現稱TOM集團）等股票上出出入入。誰知，後來股市氣氛驟變，邵仲衡頻頻輸錢，但當時只覺得那不過是數字上的變動，「已經唔當啲錢係錢，心諗今日輸咁多，遲啲咪贏返囉，成日諗可以點點點來贏返。」
為了贏，邵仲衡發下狠勁近乎全身投入，在交易日中未開市便起床部署買賣盤，直到收市都緊貼股票報價，「直情好似同佢戰鬥咁，每日就係咁樣過。」放假也是心掛掛，農曆新年期間堅持聽電台節目，搜羅假後可能熱炒的板塊，就連外出旅行，也帶手提電腦來緊貼市況。可是事與願違，他愈執著，泥足便陷得愈深，幾年間由贏變輸，更慘的是賠上寶貴的光蔭。他心知不能再長此下去，但一時間又不忿罷手，「係人都唔想認自己眼光錯㗎嘛，咁咪瀨嘢囉。」
發掘更多財經人物觀點，點擊以下連結閱讀：
覺醒一、看清股壇很殘酷
然而，在2003年的某一天，邵仲衡一覺醒來，立時便對股票「完全冇興趣」，自此至今都沒有炒股，連長線投資也不沾手。這看似戲劇性的變化，其實經歷了接近7年的醞釀，其中一個原因是發現了股壇的現實，對散戶來說非常殘酷。
當時他經營生意，不少客人和朋友是股市中的專業人士，一有機會便向他們請教，將他們工作上的點點滴滴歸納起來，才發現大機構的資源和優勢實在強大，請了一大班人做各種市場研究，還有另一批人編寫電腦程式交易策略，不少操作可貼市地自動完成，「佢哋好多嘢都好專業，係7（天）24（小時）咁做啊大佬，散戶用小聰明炒股咪跌入去（陷阱），畀人噬到體無完膚先出返來。」他故此相信，散戶長期炒作容易輸，「人哋喺度搵緊食啊！你做到5次贏少少，都唔及一次輸凸。贏就贏粒糖，輸就輸間廠。」
覺醒二、想清人生的需要
邵仲衡環視自己身邊，其實生活中還許多事物等着他追尋，一來那時他的生意愈做愈旺，反映商機存在，其實值得多花心思把生意做得更好，但他長期沉醉股市，沒有時間去思考如何改善服務。另一方面，他撫心自問，其實自己最喜歡的還是做戲，「我冇一個明確嘅野心，要去得到乜嘢。我鍾意做戲，可以做人哋唔係咁易做到嘅身份，我鍾意呢種感覺。」
幾經多年來的思疑，邵仲衡終於在2003年想通，「人生喺20至30歲梗係追求錢，但喺30至40歲更加追求享受。人生有多方面，唔應因為一面（炒股）而犧牲咗其他嘢，（仲要）賺埋都唔夠蝕，何必呢？」而且他還覺得自己因為炒股而迷失，「對錢嘅概念歪曲咗。以為自己輸咗都贏得返，係壞品。」在同年的某一天，他「即日鮮」賺了約1萬元，贏得這個尾彩後，便從翌日起不再買賣，股票生涯以蝕近60萬元告終。
如今的港股，在經歷年初的狂牛後步履蹣跚，有波幅沒有升幅，極易令追漲殺跌的股民輸錢。邵仲衡奉勸，股民不應拘謹於賺回本錢才肯放手，「所有人都係果個過程，贏少少甜頭就懶醒，到咁上下就扮專家，輸就輸凸咗堅持喺度，結果輸到仲凸。」他提醒股民要小心衡量自己的財力，不要傾盡身家入市，「人生就係trial and error，然後要知道幾時要停。如果沒頂，就唔好啦！」