狗狗成昔日聖誕驚喜 郭奕芯分手後更疼惜:牠不應牽涉大人糾紛
不少情侶都會趁聖誕節為身邊伴侶「炮製」驚喜。影壇新人郭奕芯(Ashina)6年前的聖誕節,收到當時男友的驚喜。她直言,與伴侶共同養育一顆小生命是一件非常溫馨的事,但面對分手,這位23歲的小女孩又會有什麼感覺?
相關文章:母親敏感咳出血 鍾舒漫堅持不可棄養:絕不會讓此事發生!
聖誕前男友送狗狗
郭奕芯(Ashina)接受《香港01》訪問時憶述,6年前的聖誕節前度為她準備一份畢生難忘的驚喜,「我隻松鼠狗Puppy係喺我17歲嘅時候,當時男朋友送畀我,由細到大我都好希望可以擁有一隻真正屬於自己嘅寵物,所以當時我男友就同我一齊去寵物店買咗Puppy返屋企。」
Ashina坦言,當初帶Puppy回家時,自己就像一位「初哥媽媽」:「接咗狗狗返屋企之後我就似一位新手媽媽,起初一個月瞓瞓下就會走去狗狗身邊睇下佢,又會成日觀察住佢研究狗狗鍾意食咩,好有母愛氾濫感覺。」
與男友互相分工 Ashina做「好人」角色
情竇初開總是甜密的,兩口子初將狗狗帶回家時就像「新手父母」一樣,對毛孩滿懷關愛,Ashina與前男友亦特意分配兩人在狗狗面前的角色,「通常我都係負責做『好人』嘅角色,帶Puppy周圍吃喝玩樂,而男朋友就做衰人,負責教狗狗做指令。」
對於養狗的甜蜜回憶,她就表示伴侶間可以帶著狗狗,到不同的地方體驗生活,最令她難忘,「印象中最甜密嘅回憶係我哋一齊帶住Puppy周圍去,一齊去狗狗CAFE,然後同啲都有養狗嘅朋友傾『湊仔經』,感覺真係好似我哋兩個人之間嘅小朋友!」
相關文章:【回憶13年前面對愛犬離世 孫慧雪流淚:佢走咗嗰陣我返唔到工】
狗狗死守門口待「爸爸」回家
戀愛路途上總是跌跌撞撞,經歷即使有多甜蜜,也可能有分手的一日。那年,Ashina與前度分手了。分手也為狗狗帶來不少的後遺症:「企喺Puppy嘅立場,我哋分手嘅決定對佢嚟講係一件非常自私嘅行為,原來我哋大人嘅感情,係會影響到呢一個小生命。」Ashina內疚表示,「分手之後Puppy有一段時間每晚就企喺門口等我前度返嚟,我感覺到佢知道有其中一個人唔見咗,佢心底裡一定有少少唔開心嘅感覺。」
分手之後Puppy有一段時間每晚就企喺門口等我前度返嚟,我感覺到佢知道有其中一個人唔見咗,佢心底裡一定有少少唔開心嘅感覺。
相關文章:【BB及養狗不能共存? 孫慧雪教你如何讓寶寶與狗狗和諧共處!】
▼▼▼點撃影片!看郭奕芯感人故事!▼▼▼
毛孩不應牽涉大人間感情
情侶之間的分手,最難處理的並不是情感上的缺失,而是怎樣看待戀愛「遺物」。Ashina表示狗狗是她唯一不會放棄的東西,「曾經喺網上睇到話唔少人分手後就棄養本身一齊養嘅狗狗,但我真係做唔出棄養呢個決定,分手同棄養有咩關係?分手就係分手,分手唔關狗狗事!」Ashina帶點激動地表示,「你嘅世界有好多嘢,但你又知唔知狗狗嘅世界其實只係得你一個?」
分手同棄養有咩關係?分手就係分手,分手唔關狗狗事!其實你嘅世界有好多嘢,但你又知唔知狗狗嘅世界其實只係得你一個??
狗狗為成長催化劑
分手近5年,兩口子的回憶經已淡忘,Ashina亦早早重整步伐開展其演藝事業,Ashina表示狗狗於其生命中成為了她的「成長催化劑」,即使讓她從頭來一次,她仍會從寵物店帶走狗狗,「因為由狗狗跟你走嗰一刻,我相信佢會知『你帶咗我走,你就係我主人』,你要有嗰顆心,係希望照顧佢一世嘅,對佢哋嚟講就已經好足夠。」