【名種狗悲歌】花貴婦屢成繁殖工具　最後慘遭棄養

繁殖場把貓狗當作繁殖工具的問題一直無改善，這些小動物長期被困在狹小的籠裡，導致身體狀況極差。守護浪浪福利協會昨日（1日）發帖指，一隻名叫啤梨的花貴婦被長期當作繁殖工具，當失去利用價值後慘遭拋棄，新的女主人又將牠當成玩具，玩厭後棄養，幸好啤梨最終獲好心人收養。照顧牠的義工借今次事件呼籲，當大家在寵物店看見看到一隻隻可愛、活潑的小狗時，不妨想想牠們的父母，到底過著什麼生活。

花貴婦基因獨特　被當成生育機器

守護浪浪福利協會昨日（1日）發出一則帖文，內容指一隻花貴婦狗女遭繁殖場用作繁殖，及後雖然遇到新主人，不過又遭人遺棄。義工雅怡告訴《香港01》啤梨的背景：「佢喺寵物店未賣出就開始發情，於是佢就送咗返繁殖場配種。」

事實上，花貴婦狗（又稱為雙色貴婦，以身上帶有兩種不顏色而見稱）身價比一般狗種高。由於花貴婦的披毛受基因影響，只有父母均是花貴婦狗，才能生出花貴婦狗BB，所以市面花貴婦的數量不多，雅怡指繁殖場看中牠是隻「金蛋」，於是便把牠「回收」。

相關文章：毛守救獲10隻小型玩賞犬　疑遭黑心繁殖場遺棄　為歷來最大規模

女主人當啤梨是玩具

義工指，後來繁殖場再以一個較便宜的價錢，把多次繁殖、身體虛弱的啤梨賣了給新的女主人，「對佢（繁殖場主人）嚟講，啤梨係一件物品，而女主人只係當佢玩具，買咗佢返去又唔鍾意。女主人男朋友唔忍心，就主動上去幫佢餵狗。過咗一排，女主人直情叫男朋友拎走啤梨。」

最後，女主人的男朋友請一位狗義工帶走啤梨，而義工便把牠帶到守護浪浪福利協會，希望協會能助啤梨覓得新主人。雅怡憶述初見啤梨的情況道，「佢當時好驚、好慌，一直震，佢唔知自己會俾人送去邊。」

疑長時間用作繁殖工具

「佢年紀唔算好大，不過佢啲奶頭都好腫脹，都判斷到佢生過BB。」義工推測啤梨的年紀大概兩歲半至三歲，根據過往的經驗，推斷出啤梨至少懷孕三次或以上。而且牠的腳掌非常粗糙，義工推斷牠過去長期被困在籠裡，籠底可能是石屎地：「通常流浪狗長時間喺街流浪，佢嘅腳掌先會咁粗糙。」

義工定時利用修護腳掌的噴霧替牠護理，情況已經大有改善。啤梨的耳朵亦因長期缺乏打理而發炎，義工為啤梨洗澡、杜蚤，花了一、兩個月時間，終於變回一隻漂亮的花貴婦。

「繁殖場嘅狗比流浪狗更加慘，佢地如果無人餵，就食都無得食，或者只能食糞便，佢地根本無得揀。佢地通常都唔會有人清潔，可能每日都同啲糞便、小便瞓埋一齊。佢地（繁殖場主人）可能唔愛動物，只當佢地（狗狗）係生財工具。」

義工籲領養代替購買

雅怡曾收養一隻繁殖場棄養的貴婦狗，牠的情況亦跟啤梨相約：「當大家喺寵物店見到啲好靚嘅狗時，無人知道佢媽媽可能係背後受左好多苦。」目前，啤梨已被好心人收養，並改名為士多啤梨。

過去每一次有狗狗被領養，守護浪浪福利協會都會發文感謝領養者，這次他們冀透過啤梨過往慘痛的經歷，喚起人們對領養不棄養的想法：「義工見到當然會覺得憤怒！我想呼籲大家唔好再買狗，只要有人買，就會有人繁殖，只要大家都領養唔購買，就唔會有更多狗受苦。」