為照顧17歲老狗她日睡3小時 「只要佢一日肯食嘢我都會陪住佢」
每個寵物主人都會講要陪伴寵物終老，卻未必人人能夠做到。港人Elaine為照顧已經17歲的老狗，出錢出力。她說：「有啲唔識嘅人會同我講『你咁樣搞到狗又辛苦，人又辛苦，為咩啊？』，嗰下聽到真係好唔開心，好想放棄。但當我見到佢個眼神係好堅定咁想生存落去，我就唔捨得放棄佢。」
每個人都會經歷生老病死，寵物也不例外。英國曲架犬嘉嘉，年底即將踏入17歲半，相約於人類的122歲；身體機能自然而然開始退化，不同的疾病來襲，包括腦退化、肝硬化、腎衰竭、腎石等等。近日更因連走路也成問題。不過Elaine一直陪伴在側，又幫嘉嘉安裝輪椅，求診，餵藥，每周帶嘉嘉四圍去，將她和嘉嘉故事、近照上載到facebook與網民分享。
耗費10萬求醫
Elaine日前透過電話接受《香港01》訪問，分享她照顧老狗嘉嘉經歷。她憶述，嘉嘉一直以來尚算健康，至去年身體才急轉直下。去年5月嘉嘉有一天突然拒絕進食、神情呆濟及全身顫抖，Elaine深感不妙便馬上帶牠求醫。檢查後醫生指出嘉嘉得了胰臟炎及腎衰竭，情況不樂觀。Elaine當時以為嘉嘉的生命已經走到了盡頭，決定放棄原定的旅行和特地請假陪伴嘉嘉一起度過最後的一段路。
沒想到嘉嘉生存意志頑強，卻一直熬到了現在，但病情卻反反覆覆。一年多來牠每天都須服用二十多粒藥丸對抗各種病痛，光是藥費，每個月便高達4、5000元。一年多下來，Elaine帶嘉嘉尋求過不同治療，包括：包括針灸、照燈、按摩、打針等，花在嘉嘉身上的醫療開支已高達港幣10萬元。
相關文章：【狗●知識】帶狗狗去沙灘有潛在危機？ 出發前先注意8件事
無法走路 病情每況愈下
此外，今年5月起嘉嘉無法再自行翻身走路。除了因為腎病外，嘉嘉無法吸收食物營養，也導致腿肌肉萎縮，無力撐起身體。正常成年曲架體重應為12至15公斤，但嘉嘉現時體重已經跌至9公斤。Elaine稱：「嗰陣佢真係食咩都唔吸收。有日見佢食咗兩大罐狗糧，點知過兩日就見佢痾咗大量大便，份量同佢食過嘅嘢差唔多。」
為照顧嘉嘉平均睡3小時
嘉嘉一旦想起來走路，但發現無能為力時，便會不停地大聲發出「唔唔」的聲音，令Elaine無法安睡。為了照顧不能走路的嘉嘉，Elaine被逼犧牲自己的休息及外出的時間，盡量留在家裏照顧牠，「我放假唔敢出去，就算真係要出頂盡都只係一、兩個小時。」。Elaine晚上要睡在嘉嘉身旁的沙發上，待牠入睡後才回房間，但經常Elaine剛躺在床上，嘉嘉就會再度低鳴，她不得不折返再次哄牠入睡。Elaine指每晚平均只得3小時睡眠，翌日又要照常上班，非常吃力。
最怕路人問：咁辛苦為乜？
Elaine自嘉嘉三個月大起就成為了牠的主人，十多年來Elaine風雨不改地每個周末都帶嘉嘉外出遊玩；即使在嘉嘉病重後，Elaine也沒有放棄這個習慣。「而家我帶佢出街好大陣象，孭住個媽媽袋，入面有食物、尿片、濕紙巾等等。如果我帶佢去平地就會帶埋輪椅，如果去室內我仲會帶防滑鞋。」Elaine補充。對Elaine而言，真正為她帶來負擔的並非肩上塞得滿滿的袋子，而是路人異樣的目光。「有啲唔識嘅人會同我講『你咁樣搞到狗又辛苦，人又辛苦，為咩啊？』，嗰下聽到真係好唔開心，好想放棄。但當我見到佢個眼神係好堅定咁想生存落去，我就唔捨得放棄佢。」
「我有諗過辭職照顧佢！」
年老的嘉嘉除了需要有人扶牠起來外，為牠頻繁地更換尿片以預防皮膚敏感都是日常任務，變相需要有人長期在旁專責照顧牠。Elaine坦承：「佢開頭病發嗰陣，我有諗過辭職照顧佢。而家諗翻起，好彩我冇（辭到），如果唔係拖咗年幾都唔知點算。」現時Elaine仍能兼顧照顧嘉嘉和正職工作，她很感謝家人和朋友的支持：「我阿姨而家每日會上去我屋企1至2次，幫嘉嘉換片同餵佢食嘢。朋友都知我大壓力，有時會自願幫我照顧佢（嘉嘉）一日半日，比我可以出下街輕鬆下。有車嘅朋友有時又會話載我同佢（嘉嘉）一齊出去玩。」雖然朋友和家人願意幫忙，但大多數日子Elaine仍須親力親為，為她帶來不少壓力。她續指：「而家有時番工反而覺得減壓，暫時唔洗同佢困獸鬥。」雖說如此，她每天都仍然盡心盡力地照顧嘉嘉。
相關文章：年老多病芝娃娃被棄養後 遇上護士鬥牛犬 比以前活得更幸福
家人反對 曾想過放棄
Elaine坦言曾經差點打算放棄嘉嘉，其中最令她感氣餒的是上個月嘉嘉胰臟炎病發的時候。「我見到佢（嘉嘉）成個人『謝』晒，又痾又嘔，嘢又唔係好肯食。嗰排聽到人地同我講加油反而會唔開心，覺得我做到嘅都已經做晒，唔知仲可以點做。」
家人現時雖然願意幫忙照顧嘉嘉，但Elaine憶述他們當初也曾反對她不眠不休地堅持照顧年老的嘉嘉，「佢哋覺得我搞到自己咁辛苦為咩，唔明點解我仲要堅持」。起初Elaine為方便嘉嘉在家行走，在全屋鋪滿防滑墊時，家人也有微言：「佢哋話我整到間屋鬼五馬六。」
即使要承受家人的反對和路人的非議，Elaine說現時也不打算放棄，「只要佢一日仲肯食嘢，等我知佢仲想努力生存落去，無論點我都會陪住佢。」