張致恆內地一年拍4套電影做男一　被TVB睇中做「親生仔」

《波士早晨》暫時做了7集，雖然來來去去都是辦公室鬥爭，辦公室此戀情。不過老套得來其實花甚為適合合家歡時段。3年前拍落的劇集，而家再播返，眾人在這3年來其實也有不少變化。除了睇到外歡上的差別之外，更可以睇到不少近年鮮少在幕前出現在演員，其中一個就是張致恆。

張致恆接受《香港01》訪問時，說到近來再次看到3年前的自己：「我覺得自己成個波咁樣，好恐怖，係肥得好緊要。雖然宜家都唔係瘦，但至少瘦過嗰陣時囉。拍劇嗰時好似漲到汙浮屍咁，見到都驚。(有冇咁嚴重？）有吖，你望返每一個鏡頭都會好嫌棄自己。」至於演技方面，張致恆說：「演技一定會比以前有進步，始終人生經驗都多咗3年，所以我覺得啲點都會好過以前。」

張致恆內地闖出一片天　告別貧困日子：試過3年月入得2、3千蚊 張致恆無悔曾經貪玩：好多謝以前嘅自己帶嚟嘅教訓，先有今日嘅我

張致恆談及近況時，他說：「上一年2017年1月1日啱啱完咗英皇約，宜家係freelance嘅，嚟緊會去簽TVB嘅management（經理人）。 啱啱完咗約嘅時候其實冇乜嘢做，其實有啲驚嘅。因為始終我17歲一簽就簽英皇，一直到宜家都未試過freelance去做嘢。開頭真係好驚,但係去到3，4月嘅時候，就開始有內地嘅網劇搵我拍網大（網絡大電影），所以就一直拍到宜家，暫時拍咗3,4部網大。（邊幾套？）有一套叫《捉妖大仙》，就係講我入面係年青版燕赤霞，落山捉妖嘅情況。（男主角？）男一男二咁樣。另外仲有一套啱啱云雲南拍完嘅《臥底毒龍》。」張致恆更表示今年更有2部網絡大電影排期拍攝。

說起來，雖然張致恆離開了工作15年的英皇，但總算是豐收的一年。不過張致恆表示在2018年年底就會加入TVB成為其中一份子。「近呢7-8年我都係喺TVB做嘢，其實我基本上都係拍TVB劇、做TVB節目主持多嘅，所以我一早已經當自己有半個人入咗TVB。」不過當初加入TVB的決定，原來來自於樂易玲（樂小姐）。「其實我都喺TVB做咗幾年嘢，有一次食飯傾開，我差唔多完約，於是樂小姐就話，不如嚟TVB度一齊做啦。」不過TVB出名低人工，唔怕咩？張致恆說：「其實錢邊度都有得搵，我都係想個根基打好啲先，多啲人睇我。錢係搵唔晒㗎嘛，我都想人氣好啲。始終拍戲先係我目標。」啱嘅，TVB劇始終都係入屋啲，到時再作打算都唔遲啦。

訪問的最後，說回當初離開英皇娛樂的原因，他說：「多謝老闆咁適心照料我，佢都話如果我想簽嘅話，我哋隨時都喺度等你嘅。其實係我自己想出去闖一闖，始終17歲就簽英皇，細細個就喺呢間公司長大，其實我都唔想走，但係想經歷更加多嘢，我唔想再喺溫室成長。其實我真係好多謝老闆一路都咁錫我，又開戲俾我做男一。」