都會駅移民業主「隔空賣樓」　三房連租約970萬沽　大賺離場

將軍澳都會駅有業主早已移民離港，新近「隔空賣樓」以970萬元沽出名下的三房單位，持貨十二年帳面賺逾「四球」離場。

利嘉閣地產助理分區董事蔡庭勇表示，是次成交為都會駅10座高層H室，實用面積約651呎，屬三房套間隔，向東南，外望開揚山景、海景及內園景。據悉，原業主已經移民海外，最初以1,038萬元連租約放盤，最終累減68萬至970萬元沽貨，呎價為14,900元。

租客「冇睇樓」下照入市

至於新買家本身為租客，打算「由租轉買」，先後到將軍澳南睇樓三次，仍未能物色到心水單位。反而睇中都會駅的座向及景觀，且叫價低於銀行估價，縱然未能睇樓，仍連租約買入上述單位。

至於原業主於2011年以548萬元購入上址投資收租，持貨約十二年，現帳面獲利422萬元，期內升值77%，尚未計及期內租金收入。蔡庭勇續指，目前都會駅約有220個二手放盤，入場費790萬元起。