歐霸｜安東尼反智轉身再交失 坦赫格冇眼睇：騷腳法要有用
經過曼聯對舒列夫的歐霸盃分組賽後，轉圈好夥伴除了有哈姆太郎外，如今增添一人，就是曼聯翼鋒安東尼。這名巴西球星右路使出自轉720度，然後再交失波。
球迷角度而言，安東尼的「轉圈轉圈」可以舒發悶氣外，更把歡笑傳給大家；從曼聯主帥坦赫格而言，卻笑不出來，或許要吃粒種子才可擊退悲傷，結果安東尼半場即被換走。
世界盃2022懶人包｜一文盡覽NowTV/ViuTV直播時間 32隊名單賽程
歐霸盃E組，曼聯在奧脫福主場憑達洛治﹑拉舒福特及C朗拿度各建一功，3球輕取舒列夫。
除了「解凍」的C朗外，巴西翼鋒安東尼雖然只戰半場，但也足夠他成為今場焦點。38分鐘，安東尼創出今仗「精華」，他在右路接應傳送，對手未有施加壓力下，他卻順勢化身「陀螺」，自轉兩圈，此舉不論隊友及對手也「企咗喺到」，安東尼自轉後再交直線傳送，力度偏大，直送底線。
安東尼反智轉身逐格睇（按圖放大）：
「反智轉身」後被換走 坦帥：唔關事
安東尼「反智轉身」後，鏡頭隨即捕捉坦帥，他嘆一口氣再微微搖頭。坦赫格半場當機立斷，立即調走安東尼，似是對安東尼的不解行徑表不滿。坦帥賽後否認換走安東尼與自轉有關，「賽前大概有這個想法，當我們領先時，我想看到C朗與拉舒福特在右路有更多合作，這是其中一個原因。」
坦赫格認為，展露腳法不是問題，但要用得其所，「當你展露腳法時，若有其用途又不失控球，絕對沒有問題，或者你是吸引對手，同樣沒有問題。不過，若果只是為騷而騷，這種心態必須糾正。」即使坦帥沒有說出口，但明顯對安東尼有不滿，直指這名巴西國腳要多點回防﹑多點殺入禁區﹑節奏更快等。
曼聯名宿齊轟安東尼
安東尼的「自轉720」當然惹來熱議，曼聯名宿們都加把口，史高斯直斥：「領先緊4：0咩？唔係呀！騷腳法無問題，但至少交腳波要準，而家波又交失，咪變咗小丑！」
另一名宿沙維治（Robbie Savage）更以「荒謬」作形容安東尼，「對我嚟講（這行為）係荒謬，又無人喺佢身邊，然後仲踢埋個波出界，好尷尬囉！如果我係領隊，我一定好唔高興。」
英超今周直播賽程：
更多英超相關報道：