【港超】南華棄用大球場 來季主場續選將軍澳 球迷鬧爆
南華今天宣布，續用將軍澳運動場作為來季的主場。對於球會放棄重返傳統主場香港大球場作賽，大部分擁南躉都大表不滿。
雖然足主張廣勇5月時仍表示來季球隊仍以大球場為主場首選，但南華今天發表聲明卻指出：「離開大球場一季，球隊反而獲得一個審視球圈環境的機會，我們認為，香港大球場只適合安排重要賽事，例如盃賽決賽，代表隊賽事或外隊比賽，在球市環境低迷環境下，並不適宜進行一般聯賽。」南華認為大球場有4萬座位，但一般聯賽最多只得千人入場，難免場面冷清；但如果在聯賽關鍵戰或盃賽大戰等，球隊也歡迎足總改到大球場安排比賽。南華的另一考慮是，「將軍澳於9月至明年1月維修，球隊主場比賽或可被安排在最適合進行本地波的旺角場上演」。
對於球會棄用大球場，有南華球員坦言失望：「將軍澳觀眾席與球場間有跑道，又不准打鼓，氣氛差一啲；作為南華球員，當然想在大球場比賽，始終是傳統。」
設跑道不准打鼓 球賽氣氛差
球迷反應也一面倒，在南華的官方facebook便有不少反對聲音，譬如球迷Mathis Chan便表示：「從球迷角度睇，將軍澳睇波氣氛好差，非純足球場設計，趕客跑道，單邊看台，唔比打鼓，位置過於偏遠……不過如果用慳場租角度睇，用將軍澳平好多。既然要慳，不如擺深水埗！」球迷Andy Kwong Wing Chung則謂：「南華打得好，球迷自然入場，不能因為球迷少而去另一個差不多少嘅場，基本上係本末倒置的，應該想方法吸引多d（啲）球迷入場。同埋球迷球員心目中嘅主場永遠得大球場一個～～」
伸延閱讀：【東方危機】香港球隊唔易搞 巨型班每季蝕逾2000萬
大球場比賽開支高幾倍
事實上，南華前季聯賽排名不及飛馬，飛馬先選了大球場作主場，南華去季被迫打破傳統搬到將軍澳作賽，聯賽場均入場人數也跌近兩成，由前季的1398人，跌至去季的1136人；但事實上，去季南華8場主場有3場已在旺角場上演，而當中有兩場逾兩千觀眾，意味將軍澳的「趕客威力」比數字更強。
至於南華是否考慮財政問題，則未能證實，不過在將軍澳作賽與於大球場出戰，開支確相差幾倍，於將軍澳比賽，場租只是數百元，連同其他雜費等，一場港超大約需2.5萬港元，其實只要500人入場，票房已有進帳；相反，若在大球場比賽，場租及雜費等卻最少需15萬（或收入的20％），確實不是所有球會都可以負擔得起。