【足球趣聞．有片】C朗父子12碼矛盾對決 小C朗笠死爸爸
撰文：周立賢
出版：更新：
基斯坦奴朗拿度（C朗拿度）為了培養小C朗成為足球員，日前在家中後園草地兼職做門將特訓囝囝射極刑，一次唔得，兩次唔得，第三次終於「笠死」C朗，令小C朗上了人生寶貴一課。
日前連中三元，助皇家馬德里反勝禾夫斯堡殺入歐聯4強，心情大靚的C朗享受家庭樂，與小C朗（Cristiano Ronaldo Jr.）練射極刑。平時一向負責操刀的C朗難得做一次守門員，更下令「3次機會唔入就要做十次掌上壓」來激勵愛兒。
第一球，力度角度欠奉被兼職門將接實，第二球角度太絕中柱彈出，到第三球，小C朗出腳時疑失重心，勁射變笠射，加上C朗鬼馬地「放水」，就係咁小C朗終於一嘗入球滋味。
雖然入波，但小C朗走唔甩十次掌上壓，果然，C朗係一個出色的怪獸家長。
基達菲Vs皇家馬德里 4月16日（周六）now632台22：00直播