TVB美女主持疑擘大眼講大話　狂讚煲仔飯遭轟賣相差：街坊都唔食

現年44歲的陳貝兒憑主持TVB旅遊節目《無窮之路》系列，去年蟬聯《萬千星輝頒獎典禮》最佳女主持，還入選「感動中國2021年度人物」。陳貝兒近年不時更新社交網，分享生活片段，繼早前曬出行深水埸福榮街辦年貨片段後，她又分享最愛的煲仔飯，可惜今次網民竟不賣帳？

陳貝兒拍片分享常幫襯的一間打冷，一入去便獲熱情招待，她又表示特地早點到，「呢度好難揾位㗎。」陳貝兒點了多個餸，其中包括臘味煲仔飯。陳貝兒樣樣都大讚好食，煲仔飯上到時，睇上去白飯遠多過餸，而且豉油及飯焦都不多。但陳貝兒食得好滋味，仲舉起手指公大讚好食。

可惜網民不賣帳。有網民留言批評煲仔飯賣相差，「第一次看到煲仔飯這麽沒賣相」、「煲仔飯不夠豉油」、「煲仔飯顏色差啲」；更有自稱當地街坊表示該間餐廳味道一般、員工態度差，「收左$拍呀？？我屋企附近打冷店，以前是上海店，之後做左新忠記，味道一般般一個貴字，重點係啲員工寸爆鼻。附近街坊都唔會去食！」