【星爺御用配角】「如花」李建仁回流　與「細龜」黃一山快閃派錢

當細龜遇上如花，再搭多個甜筒輝同豬肉佬，成件事真係好鬼周星馳。這幾位星爺御用配角（李建仁、黃一山、鄭文輝、楊能）最近齊齊為ViuTV全新節目《街頭派錢黨》做主持，節目以快閃形式，於街頭隨機邀請滿18歲市民進行各樣小遊戲，挑戰成功者即獲現金1千元，輸咗都會有一枚金幣做紀念，聽落好似都幾正。

近年這幾位星爺御用配角鮮有在香港露面，能夠召喚他們「出山」，原來如花功不可沒。「在大陸太久，所以想回來見見香港觀眾，今次是我第一次做主持，還要派錢，都開心的。」李建仁表示過去10年幾乎都在內地拍戲、拍劇，剛好這次找他主持節目的朋友，也曾為星爺打工，於是決定一班人回來聚聚舊，而他對拍攝的工作人員亦十分滿意，夠創意之餘，亦十分專業，不過，最令他喜出望外是每次外景都有市民叫他「如花姐姐」，令他感覺沒有被香港觀眾遺忘。「今次拍攝比拍戲輕鬆好多，至少不用飛來飛去，現在年輕人入行，都要預備辛苦，我試過連續兩個月在零下30度拍戲都係咁，日頭做演員，夜晚做副導，再辛苦都試過。」對於節目收視，李建仁表示自己是運動員出生，所以不會有壓力，又指以前每次與星爺合作，都對票房充滿信心。

「細龜」黃一山笑指今次主持十分輕鬆，不用跟劇本之餘，也有對象可以「欺凌」。「今次純粹係同老友眾舊，看看他們全都事業有成，自己反而沒有太多目標，因為電影工作方面，我基本上都試過晒。」問到會否回流香港，細龜就話除非真係退休，否則都想留在國內，因為香港拍攝的薪酬遠不及國內。「我呢啲老人家唔辛苦得，好在這個節目唔辛苦，都未拍完今晚就話慶功。」