【任噏亂評】其實睇完131個參選港姐　已經知邊幾個係三甲人選

昨日參選港姐的131位女士終於同晒大家見面，正所謂鹹魚青菜各有所愛，相信大家都會有自己的心水選擇。不過話明係「香港小姐」，選得出嚟就要代表香港，咁個評審準則一定係大眾化，所以有啲小眾口味嘅女士其實應該都無乜希望喇。又要講多次，話明係「香港小姐」，選得出嚟就要代表香港，雖則杜之克就話：「參選得港姐真係要有香港身份證先得。」但唔係拎住張香港身份證就真係完全香港人啫，唔係話要種族歧視，不過你好難選一個鬼妹樣做香港小姐㗎嘛，睇落去都無說服力喇係咪？

其實撇除以上所講嘅因素之後，剩返落嚟可以入圍嘅人實在唔多，港姐要求嘅係美貌與智慧並重，由於暫時都仲未可以睇到佢地有咩智慧，所以唯有將智慧同學歷掛住鈎先。咁係咪有學歷就等於好呢？杜生話參選人的學歷愈來愈高，淨係碩士學歷都有十分一，但係而家唔係選緊香港博士喎。你睇吓林作喺FB放咗佢個律師朋友出嚟，話連續三屆都有律師朋友參選，證明高學歷嘅人投身幕前，睇怕已成趨勢。以而家咁嘅情況，已經揀咗最終能夠入選12強嘅名單喇。Elsie Chan、Regina Ho、Aris Chiu、Nicole Wu、Boanne Cheung、Jennifer、Kelly Ng、Lily So、屈麗麗、Ashley、梁雯蔚和Kristy Chung，睇名其實無意思，睇圖啦！

睇吓邊12位可以入到12強？

至於去到三甲名單，除咗樣之外又要計埋學歷，隨時要睇埋人事關係。至於人事關係點樣得嚟？好簡單啫，大熱嘅參選者基本上都一定係回流生，所以又可以將個範圍收窄。23歲嘅Elsie Chan，喺美國嘅大學畢業，睇佢IG已經成日同啲明星合照，又可以出席慧妍雅集嘅晚會，咩係慧妍雅集？呢個組織係集合歷屆香港小姐得獎者同埋參賽者嘅慈善組織，佢咁快已經可以打到入去，證明真係叻女，有學歷、有樣，三甲必入！第二個係23歲嘅Nicole Wu，樣子清麗脫俗，睇佢IG就知佢經常飛嚟飛去。就讀美國大學UCI(University of California, Irvine)，QS排名百幾，唔算好勁，不過都算係一級大學。剛剛畢業就返嚟香港選港姐，相信都有番一定嘅信心。

快啲睇吓Elsie Chan嘅靚相。

緊係要睇埋Nicole Wu喇。

第三個係24歲嘅Kelly Ng，佢最殺食嘅就係混血兒咁嘅樣，同上一屆港姐亞軍劉穎鏇簡直係同一個Type。佢喺加拿大回流返嚟香港，而家做緊HR，睇佢IG都係旅行相多，仲有睇得出佢有一副甜美的樣子，一笑就可以傾城嗰種，三甲一定要預埋佢！其實仲有一個黑馬人物不得不睇，佢無論樣貌、學歷同埋關係都完全可以成為冠軍份子，佢就係Boanne Cheung。其實就係上屆港姐友誼小姐得主張寶兒的妹妹，樣子得意甜美，學歷同家姊一樣都係英國倫敦大學畢業，加埋家姊已入行接近一年，人事關係點都會有返啲。咁點解唔將佢列入三甲名單呢？鬼咩，佢同家姊餅印倒模咁嘅樣，各方面條件又差唔多，上年家姊都係得友誼小姐，驚佢破唔到呢個魔咒呀！

以下輪到Kelly Ng出場！

由於Boanne Instagram private咗，唯有睇住當日嘅相先！