李龍基女友王青霞被控6項罪名被關押　黃智賢：快啲解決呢個問題

黃智賢今日（21/3）現身電視城出席無綫新劇《武林》造型記者會。提到在《逆天奇案2》劇中飾演他的父親李龍基，受未婚妻王青霞被控使用虛假文書等6項罪名被關押心情難過。今晨李龍基從內地工作完畢後返港，便隨即乘車到屯門大欖女懲教所探望。

黃智賢接受《香港01》訪問時表示：「其實我都有睇到啲新聞報道，希望佢大步檻過，快啲解決呢個問題。咁點講好呢⋯因為來龍去脈我又唔係咁清楚，咁所以我又唔方便講太多，希望盡快解決。（有冇收過畫作？）上次拍《逆天1》嘅時候，佢送過一幅人像畫畀我，而我都有見過佢畫畫，我係覺得靚㗎，因為我係畫畫白痴嚟，咁所以覺得佢有啲料到。（同王青霞有冇傾過計？）基哥開工嘅時候，佢係有探班嘅，好多時都會陪住基哥，亦到睇到佢哋好恩愛，就算拍通宵佢都會陪住基哥照顧佢。」