七師傅豪派一百萬利是 ：一到呢啲日子個個都好神心

七師傅(七仙羽)今午現身尖沙咀出席電單車慈善之旅活動，雖然有唱歌環節，但師傅話唔需要練習，上到台最重要係唔好跌落台就可以。師傅仲話新年一直無停過，唔係拍廣告就係出席活動。「我派利是都派咗一百萬，每日一批又一批嚟佛堂，又有藝人嚟，一到呢啲日子個個都好神心。」

師傳又透露193最近搬新屋亦有搵佢睇風水，但因為太忙所以未有時間處理。「佢個物業咁出名，上網一search 就知㗎啦。（見過新屋女主人未？）佢應該未拍拖，藝人永遠都話未拍拖。（咁你又咁早公開？）我又唔係藝人，我係師傅嘛，我又唔係靠樣搵食，我今日唱歌都係因為同曾醒明先生做咗善事好多年，同埋想幫助基層家庭，過多排我又去做另一個慈善，所以我咁奔波都係做慈善。」師傅去早年曾與P1X3L合唱，問到會否同ERROR合作，她說：「佢哋都唔要我，同埋我唔想一粒老鼠屎壞了一鍋粥。」