中年好聲音2｜劉可被Foul 感覺成個人唔同晒：輕鬆咗好多
撰文：吳子生
出版：更新：
《中年好聲音2》歌手劉可今日（12/2）年初三現身沙田馬場出席《農曆新年賽馬日》唱歌表演賀新春。劉可受訪時表示:「今年係一個好特別嘅一年，年三十晚冇喺屋企食團年飯，而係周渣班戰友喺油麻地出席年三十晚嘅春節聯歡晚會倒數，對我嚟講人生中好特別嘅一晚，同埋最開心喺可以嚟到馬場，仲要係我人生中首次年初三到馬場唱歌表演，真係令我好難忘。」
對於在《中年好聲音2》中被Foul，劉可表示：「其實成個人係輕鬆咗好多，但暫時只係喺呢個節目退出咗，但唔代表我係永遠退出喎，咁所以之後就要再睇公司之後有冇其他騷畀我。（唔使再比賽，胃口係咪好咗？）會㗎，成個人都會唔同晒，始終比賽係有壓力，唔係分數同賽果嘅問題，而係想自己每次比賽嘅時候，都要專注喺自己表現，盡量避免有任何嘅甩漏，變咗成個係會諗好多嘢，不過而家唔使再比賽，成個係輕鬆咗好多。」
+2