36歲前TVB當紅女星帶囡囡遊環球影城　竟然冇人認得零粉絲集郵

36歲的馬賽（改名馬菀迎），曾經受到TVB力捧，卻因為負面新聞被放入雪櫃，離巢後返回內地發展，結婚生女後，馬賽整個人生活以囡囡行先，近日帶小朋友到北京環球影城，母女共享天倫，努力建立好媽媽形象，跟昔日的自己一刀兩斷。

近年馬賽返回內地工作，重新出發，並於2019年結婚兼生女，轉型當上KOL，並一改大膽形象，變成好媽媽，除了專心相夫教女外，又不時拍片帶貨，而她的囡囡愈大愈可愛，跟媽媽成個餅印，愈來愈靚女，絕對有入娛樂圈的潛質。近日馬賽帶囡囡到北京環球影城，未有粉絲認出她，可以一邊拍片，一邊跟囡囡玩餐飽，不過她表示由於女兒年紀太細，很多機動遊戲也玩不了，所以帶囡囡去睇音樂劇，好媽媽形象，獲得不少網民俾like。