【BigBig 小明星】5歲周筠浩厭世臉跳Kpop 勁舞陳偉霆有接班人
早兩日有位9歲嘅妹妹譚芷昀參加《全美一叮》震住音唱《My Heart Will Go On》震撼大西洋，昨日又再有新血喇！話說TVB播出《Big Big 小明星》天才表演，一班小朋友都唔輸蝕，個個都唱得跳得，不過當中的亮點就是5歲的周浩筠，他一身型仔韓look都算，仲即場大跳Kpop，揈得非常起勁，睇完不禁令一眾大人驚嘆：「究竟我5歲做緊乜！」
舞跳得勁係基本，附帶chok爆台風係常識（片段由31分57秒起）。周筠浩小朋友一出場就眼神銳利，唔笑、擺厭世樣係2017年型男指標，佢都做足晒。當評審CAllStar叫小朋友擺一個最有型的pose，周浩筠一起手就對住鏡頭眼超超，再加多個剔字手勢，真心要chok爆觀眾個電視屏幕。這幾下舉手投足遠遠未夠，到最後拉票環節仲邊beatbox邊唱Apple Pen，真係達到創意之顛呀！
這段表演一出，網絡紅人瓊姐隨即就以「迷你GD」稱呼周浩筠小朋友，其他網民就留言表示「舞又跳得唔錯個下先屈機」、「髮型都幾似Tommy（阮民安）」，都有人反而覺得小朋友與當紅大陸小生陳偉霆有幾分相似，覺得小朋友有幾分囂張......不過持平點講句，當頒獎環節時，周浩筠眼見其他小朋友得獎，他都表現得好替他人開心，呢點係值得讚嘅！
周浩筠的父母有幫囝囝開返個ig，原來5歲嘅佢名叫Casper，仲有個歲半妹妹叫Moppy。他們的ig主要分享日常生活點滴，都有不少Casper上堂學跳舞的片段，除了Kpop，他還有跳本地組合Super Girls的《有時發生》，搔首弄姿的嫵媚程度，絕不輸給5個大人。從照片都可以睇得出Casper係一個非常有表演慾嘅人，眼仔碌碌、一頭得意冬菇頭，配合韓星必做的「畀錢我洗」的心心手勢，其實大個咗應該都幾剎食吖！最重要係5歲Casper仲會餵歲半妹妹飲奶，充滿著做暖男的基因！正呀！