愛回家｜張盈悅網購成癮 認難自控：要抌嘅嘢跟唔上我買嘢嘅進度
撰文：吳子生
出版：更新：
張盈悅（Joyce）今日（6/2）現身油塘出席無綫處境塘劇《愛·回家之開心速遞》宣傳造勢活動。Joyce透露新日忙於清理家中雜物準備過新年：「呢排好勤力咁係咁清潔，但好無奈抌嘢跟唔上我買嘢嘅進度，因為自從識得網購之後，我會買埋好多唔同嘅嘢，例如膠紙、儲物箱同埋買咗好多清潔用品，但我都唔知用唔用得着。其實好多嘢士多都會買得到，但喺網上面買嘢的確好方便，變咗我係買嘢買到失控，係會見到有人推介邊隻產品好用，又或者係好新奇嘅嘢，都會令我心動，我就會忍唔住手就會俾錢買，變咗而家屋企係好儲咗好多嘢喺度，咁所我而家都要控制吓自己。」
+1