鄭啟泰離世｜未婚妻王雁芝失眠 貼合照念：要學會自己一個人瞓覺
撰文：關穎賢
出版：更新：
鄭啟泰昨日（3日）驚傳死訊，終年56歲。鄭啟泰日前宣布向同居2年的女友王雁芝求婚成功，卻突然傳出死訊，王雁芝透露近日與鄭啟泰仍在商討婚禮細節，還未接受到噩耗。王雁芝在IG出Post悼念未婚夫，亦公開了不少兩人的甜蜜合照。
由於死訊突然，王雁芝對未婚夫鄭啟泰感不捨，更徹夜難眠，並深夜有在IG限時動態訴心聲，王雁芝亦貼上與未婚夫在沙灘上的合照並說：「傻佬，而家係咪游緊水呢？今日我就要學會自己一個人瞓覺喇！」有朋友稱對事件感愕然和震驚，王雁芝亦忍不住說：「係呀，佢鍾意整鬼人，今次佢真係畀咗個大整蠱我！」
其後王雁芝轉發一眾好友對鄭啟泰的悼念，有人留言表示：「一個奇妙的相遇，令我體驗到你嘅氣趣幽默，你嘅愛心同細心一直喺我腦海中，我厚着臉皮打擾你哋，而你哋不厭其煩將我照顧得妥妥當當。我仲好想繼續聽你哋講舊事，仲未同你哋去澳門食嘢。」王雁芝留言回覆：「佢就係一個大好人，我冇揀錯人。」亦有人留言感激鄭啟泰多年的支持，王雁芝留言說：「他給予我無限支持，我做甚麼他100%支持我，我的最大後盾。」