陳浚霆計劃新年同家人去旅行 竟然唔預古佩玲：到時先算
撰文：吳子生
出版：更新：
《愛回家》風少（陳浚霆）今日（3/2）現身尖沙咀出席《唱跳夜尖咀》大展歌喉。陳浚霆受訪時表示：「本身我今日係要跟《愛回家》佢哋一齊上深圳出活動，但因為今晚要嚟呢度表演唱歌，變咗就同唔到佢哋一齊去，係有啲可惜。（古佩玲今晚會唔會嚟撐場？）佢代表我去咗深圳，搞到我冇機會喺佢面前表演唱歌。（你唔喺佢身邊，佢可能又會唔見電話？）所以我就派咗你助手去睇住佢，古佩玲佢個人比較慢，成日係最遲走嗰個，咁所以佢返嚟香港係要報平安。」
此外，風少就透露計劃新年去旅行：「其實本來我就請咗假去一個短嘅行程，但好似禮拜二有活動，咁唯有去完活動拍埋嘢先再算。（古佩玲會同行？順道見家長？）冇，冇，冇。我知佢同家人有活動，到時先算。我哋開咗《愛回家》咁耐，都未試過有7日嘅假期，所以係好期待，就算留喺香港，唔做任何嘢，同屋企人同啲狗都好開心。」