吳啟華大爆TVB廳餐食物難食 宣萱慌忙提醒：呢啲唔講得

吳啟華與宣萱今日（2/2）現身深水埗出席邵氏超級網劇《執法者們》開鏡拜神。吳啟華受訪時笑言：「今次唔使再做醫生，而係做警察。對上一次我係做「一哥」警務處處長，今次係燉咗一級做副警務處處長，哈哈！其實本身我就鍾意演警察，因為我爸爸佢以前係做警察，而我細個嘅我的志願就係做警察，咁所以能夠演警察可以話完成咗我嘅心願。」

吳啟華不時在社交平台大騷廚藝，被問到開工拍劇時會否親自下廚？他表示：「我唔知呢套劇會唔會喺TVb度拍，因為TVb啲嘢好難食嘅，所以呢我哋通常呢⋯⋯⋯⋯⋯」身邊宣萱細聲提聲：「呢啲嘢唔講得」。吳啟華笑續說：「我哋通常喺TVb度拍，全部人都會自己帶飯，哈哈。」宣萱笑着說：「如果我哋喺TVb 度搭景，你千祈唔好去餐廳度食嘢，我驚你畀人⋯⋯哈哈！」被問到有否同無綫高層上反映？吳啟華表示；我有同總經理講過，總經理話搵緊好嘅班底團飛返嚟。」