狀王之王｜陳浩民出現特殊情況變客串：有啲更好嘅演員代替咗我

陳浩民今日（24/1）現身觀塘出席無綫新劇《狀王之王》宣傳活動。提到對上一部同無綫合作的劇是《搜神傳》，相隔17年再度亮相無綫劇集，雖然只是演出兩集，但已經令視迷十分期待。

在劇中飾演陳夢吉的陳浩民接受《香港01》訪問時表示：「其實原本我係負責一個單元嘅，中間係出現咗啲情況，變咗就只能客串演出兩集。（出唔夠錢？）咁又唔係，係有啲更好嘅演員，來代替咗我。不過演陳夢吉呢個嘅角色，都有好多台詞量㗎。（演兩集你就夠喉？）其實唔夠㗎，唯有等開拍《狀王之王2》，到時拍到夠。（想唔想多啲喺香港拍劇？）梗係想，始終喺香港拍劇係同聲同氣，同埋係好方便，因為我主要住喺香港。加上又唔使搭飛機，因為我好怕搭飛機走嚟走去。」

陳浩民相隔17年再拍無綫劇集。（葉志明攝）

同劇演員大合照。（葉志明攝）