陳凱琳自爆老公鄭嘉穎約馬國明食飯有期　率先預告聚會時間

陳凱琳（Grace）今日（24日）出席「地球敢動行」發佈會活動，並在台上分享與孩子日常互動點滴。提到下月即將踏入新年，Grace 接受《香港01》 表示：「我諗住同我先生大仔、二仔一齊去旅行，BB（細仔）就留俾媽咪照顧住先。」她繼續指這次會去澳洲一星期旅行，並表示：「會率先在香港同屋企人食咗團年飯先。」

講到日前所上載露臍裝晒纖腰的照片，被外界指瘦到肋骨凹陷，她表示：「瘦呢樣嘢由我出道開始就講到現在，所以都冇乜嘢多謝大家關心，非常之健康好強壯。」至於最近有否量體重，她說：「我又冇點樣磅重，知道自己嘅健康狀況就OK。」提到有關的餐單飲食，她表示：「有時曳咗，以前唔鍾意食辣嘢，現在鍾意食辣嘢。」

被問到是否已經與老公鄭嘉穎相約馬國明補足吃飯慶祝對方新婚，她說：「我哋約咗會喺新年前食飯。」至於會吃什麼類型的菜式，她坦言：「我哋啲Detail未諗到咁細緻。」