飛常日誌｜郭柏妍中暑暈倒　徐榮機警救一命：早知佢唔舒服

徐榮今日（22/1）現身機場出席無綫劇集《飛常日誌》宣傳活動。對於早前在停機坪拍攝劇集期間，郭柏妍中暑暈倒，幸得到他及時出手相助，阻止意外發生。徐榮接受《香港01》訪問時表示：「其實嗰日天氣都真係好熱，有場戲講我用水噴馬國明，啲水滴落地面，係即刻蒸發咗，地下係冇水漬。」

徐榮續指：「其實拍嗰場戲前，早已經知道郭柏妍有啲唔舒服，變咗我都會特別留意住佢。到拍嘅時候，突然見佢反白眼，成個人跌，好彩及時拉得住佢，佢先冇跌落地。之後我哋扶咗佢去陰涼嘅地方休息，佢休息完之後，再繼續開工，佢真係好專業，好犀利。」