AGA江海迦生日願望以工作為先　仍未有計劃舉行婚禮

江海迦（AGA）今日（21 日）36歲牛一，下午她現身《AGATHA EXHIBITION》，展覽除有江爸爸送俾AGA人生第一支咪高峰外，其中一幅牆由AGA限量版新專輯堆砌而成，專輯會喺展覽結束後，再交到早前預購成功嘅Fans手上。

AGA接受訪問時，指今次展覽會有唔少Demo首次曝光，又提到爸爸一直對自己十分嚴格，試過讓她練琴練足一整天，但同時讓她對音樂十分認識。提到專輯早前預購時，在55分鐘火速售罄，問到是否最好的生日禮物，AGA表示：「我覺得300隻碟喺展覽鋪晒出嚟，係好特別嘅生日禮物，我每年都唔係好大搞Party嘅人，今日好感動，見到多朋友。完咗展覽後會同Fans食飯，因為好似一直無同佢哋慶祝。」

AGA表示昨晚已經同未婚夫慶祝，但問到對方送咗咩禮物時，佢以怕醜為由拒絕透露。至於生日願望，AGA話係想開Tour以及推出多一張專輯，而人生大事--婚禮，AGA話表示仍未有計劃，今年內都應該唔會發生。