奔跑吧！勇敢的女人們｜鄧智堅為角色網上蒐集公關災難：睇點拆彈

鄧智堅今日（10/1）現身將軍澳電視城出席無綫新劇《奔跑吧！勇敢的女人們》造型記者會。鄧智堅透露在劇中飾演一位「天下第一公關」，專門幫娛樂圈中人拆彈，但當中卻發生公關災難：「我為咗呢個角色，我係不斷蒐集資料，睇返之前我哋香港娛樂圈發生嘅事件作為參考，睇吓當時啲公關係點樣拆彈。我而家仲學習緊，因為公關呢個角色係好難演，因為要做到面面俱圓行出嚟，但同時間又要好有目標性，又要引到傳媒帶風向，過程當中又唔可以太刻意，要演真係唔容易。話時話演完呢個角色之後，應該都可以諗一諗做公關，因為知道晒點玩法，哈哈！」