吳紫韻宣告與「賈明昇」鄒兆霆兩年情玩完：一個人自由度比較大啲

前《3日2夜》性感主持吳紫韻（Purple）今日（9/1）現身機場出席劇集《飛常日誌》宣傳活動。對於有指她與「賈明昇」鄒兆霆已結束兩年情，Purple接受《香港01》訪問時直認不諱：「我發覺自己一個人去創事業，又或者做其他事嘅時候 自由度會比較大啲 ，同埋比較適合啲。咁啱女人到30歲，自己就會有好多想法，好想創事業，想將專注力放喺呢方面上。（分開咗幾耐？）分開咗幾個月，我哋係和平分手，但分手過程始終都會唔開心，因為有感情。」

此外，Purple透露即將同無綫約滿，準備和友人合資7位數醫美中心：「自己都想出去闖吓，始終自己一入行就做呢間公司，都知道而家外面都有唔同嘅機會，而且都喺度傾馬啲唔同嘅知作嘅，大家會喺唔同嘅平台見到我。同埋準備搞醫美中心，因為而家扮靚都係一個趨勢，到時我可能仲會做埋代言人，要幫手做宣傳。」