前無綫新聞主播柳俊江自殺身亡 林正峰：身邊好多人都會好唔開心
撰文：吳子生
出版：更新：
林正峰今晚（5/12）現身電視城出席《TVB職藝員聯歡晚宴2024》。提到前無綫新聞主播柳俊江今日被發現在住所內燒炭自殺身亡，享年42歲。曾參演過劇集《新聞女王》的林正峰表示有很大感受：「其實我聽到佢嘅死訊，我係好震驚同好突然，因為佢喺我哋以前嘅同事，加上佢係一位好專業嘅主播，突然之間咁樣離開，身邊好多人都會好唔開心。其實如果一個人選擇呢種方式離開，相信佢已經去到一個好唔開心，同埋經歷一啲好痛苦嘅階段，咁所以希望大家無論遇到咩事情都好，最緊要同身邊嘅朋友傾訴，又或者搵社工求助，因為我自己都係做社工，咁所以好明白搵唔到出路嘅時候個心情。我希望佢一路好走，亦都希望佢嘅家人節哀順變，大家互相支持。」