MIRROR三子AK江𤒹生、JER柳應廷及Ian陳卓賢出席《新城勁爆頒獎禮 2023》。AK奪「勁爆突破歌手」、JER憑《JM單身9》奪「勁爆我撐歌曲」，而Ian就奪「勁爆男歌手」。MIRROR則奪「勁爆我撐組合」。

3子接受訪時，AK認為比起進步，今年做嘅歌比以往有所不同，下年要再突破可能需要唱京劇，而剛推出跳唱快歌嘅Ian亦同樣十分突破，他表示大家一直期待他跳唱，所以一試無妨，最緊要大家開心，Ian更透露已在製作下一首作品，不過只肯講曲風偏快。

提到MIRROR巡演英國站的票價（$2680）公開後被指太貴，AK表示：「我唔知喺英國睇一場騷個價大概係幾多，我都係尋日先睇到價目表，所以唔知屬於貴定唔貴。」而倫敦The O2可容納約2萬人，唔少國際巨星都曾在此場開騷，Jer表示會盡力做好，吸引更多外地fans入場 ，AK亦謂有壓力，但亦應該是個很好的體驗。