肥媽李鼎打大佬｜游嘉欣唔識死打爛沙盤問到篤：好彩冇畀佢哋鬧

由肥媽、李家鼎（鼎爺）及游嘉欣主持的無綫烹飪節目《肥媽李鼎打大佬》，今日（29/12）於將軍澳電視城舉行記者會。游嘉欣承接上一輯氣勢，繼續化身成問題少女，在節目中就各樣問題向肥媽和李家鼎「打爛沙盤問到篤」，她說：「今次再度同鼎爺、肥媽合作感覺好唔同，因為經過上次嘅深化合作，大家熟絡咗，變咗好多嘢我都好夠膽去同佢哋互相交手。 就好似上一輯有好多嘢我都係收埋喺心度，唔敢去問，但今次我就夠膽去問出嚟。不過好彩冇畀佢哋鬧，反而大家就會就件事一齊去討論，雖然大家會有自己嘅睇法同意見，但出到嚟嘅效果又幾搞笑。講真喺佢哋身上真係可以長知識，無論喺飲食上，同做人都學咗好多嘢。」