萬千星輝2023｜施焯日獲提名「最具潛質新人」感意外：公司記得我

施焯日（Arthur）今日（28日）現身將軍澳出席無綫《萬千星輝頒獎典禮2023》「最具潛質新人」候選人會見傳媒。對於能夠獲提名「最具潛質新人」，Arthur受訪時表示大感意外：「我估唔到公司仲記得我，我真係唔理到最後有冇獎攞，公司仲記得我呢個人仲喺度，仲存在喺度咁就得喇，我當攞咗獎，我已經好開心。而我阿媽都好戥我興奮話我：『乜咁叻仔呀，仲有得上去呀！』而我哋獲提名新人嘅人係可以影場刊，搞到我阿媽佢係咁叫我記得攞本場刊返嚟畀佢睇吓，變咗佢係仲興奮過我。（有冇信心攞呢個獎？）冇乜信心，不過唔緊要啦，最緊要開心，因為呢個獎設喺25歲之下，而自己而家23歲，仲有兩年時間仲可以去爭呢個獎，所以唔急嘅。」