可宜預產期5月享受女王待遇 老公做「阿四」任佢點：斟茶遞水
撰文：吳子生
出版：更新：
準媽咪可宜今日（27/12）以嘉賓身份現身尖沙咀，為HOY TV節目《坐月攻略》進行拍攝工作。可宜受訪時笑言懷孕期間，完全體會和享受到什麼叫做女王式待遇：「其實我好多嘢都唔識，睇得件事好簡單，因為我係好隨心，冇去諗咁多嘢。相反我老公佢係好緊張我，基本上搵我唔到，佢係會狂打畀我，會問我『喺邊？返到屋企未呀？』會叫我唔好喺行度碌來碌去。仲有每晚我夜瞓少少，佢就會叫我唔好捉佢個囝捱夜。所以而家喺屋企，佢係好照顧我，無論我想要咩，佢都會為我做，斟茶遞水，佢都在所不計，佢真係好照顧我。不過聽阿雪（孫慧雪）講，呢啲日子一閃即過，就會打回完形，叫我好好享受做女王嘅滋味。」