王君馨美國完成甜蜜婚禮　正式做人妻：我好幸福啊！

昨日傳出王君馨與老公Daniel飛往美國紐約行禮的消息，話口未完，新娘子Grace真的成為人妻了！在當地忙完婚禮，馬上向大家分享喜悅，在社交平台上載了個人裙褂照片，並正式宣布：「Hiiii！I'm 章太。」臉上掛住sweet爆笑容，難掩結婚的喜悅。

Grace與Daniel在美國相識，所以返回當地行禮，隨行的姊妹團，分別有：鍾嘉欣、李亞男、裕美同衛蘭等，堪稱是索爆姊妹團。據知鍾嘉欣除了做伴娘之外，因為Grace今次冇大衿姐，所以嘉欣都幫手做埋一份，非常好朋友。其他姊妹就非常有心思地作了一首rap歌送給Grace，在分享環節裏唱出，搞到Grace鬼死咁感動，仲話好多觀眾見到場面太感人，都忍唔住喊晒。完成婚禮之後，Grace就向傳媒分享喜悅：「我好開心呀！我哋拍拖11年11個月14日已經過咗喇！我今日係章太喇！我好幸福啊！」，最後還約定大家，將於下月11日在香港的The American Club補辦喜酒，到時再邀請更多好友出席。