港姐黃子桐瞓身投獨資60萬開美容院 升呢做老闆娘：其實都幾冒險
撰文：吳子生
出版：更新：
黃子桐（Rachel）今日（21/12）現身銅鑼灣出席旗下美容院新店開幕。Rachel透露籌備半年時間的新店，今日終於開張所以心情很興奮：「點解我會有開美容院呢個諗法，係因為我覺得我吔做藝人經常都要扮靚同護膚，加上覺得做藝人工作同收入都好唔穩定，變咗都想為自己做啲保障。今次我係瞓身去投資，用咗50幾60萬嘅私己錢，其實我都好冒險㗎。（點解唔搵人合資？）其實我自己比較鍾意一個人做，因為自由度高，同埋可以避免有拗撬，因為我真係唔想因為做生意最後連朋友都冇得做。所以一個人做生意係輕鬆好多，唔會有咁多嘢煩。」